Vernissage Eenzelausstellung "Trust The Process"

Wat vir een schéinen Dag!🤩 Merci un jiddereen deen laanscht komm an meng Fotoen kucken komm ass! Ech konnt em déi 100 Frënn, Bekannter an Fotografie-Begeeschterter begréissen, dëst bedeit mir immens vill grad bei menger éischter Eenzelausstellung. An vir all déi, déi um Dag vum Vernissage net konnten derbäi sinn; d'Ausstellung bléift nach bis den 1. Oktober op!😍🥰 Sot mir gären Bescheed, wann dir wëllt kucken kommen, dann kommen ech bis laanscht an begleeden Iech duerch d'Ausstellung!☀️😊📸

Merci un jiddereen, deen dësen besonneschen Dag méiglech gemaach huet an en ganz groussen Merci natierlech un d'Gemeng Suessem an un d'FLPA!🫶🏼💯

D'Fotoen an dësem Beitrag sinn engersäits vun der Gemeng Suessem an anerersäits vum Jean-Claude Adler fotograféiert ginn. 1-2 Fotoen hunn ech och nach vun mengem klengen Art-Market derbäi gesaat📸😁

Eenzel-Fräiloft-Ausstellung "Trust The Process"

Et ass esou wäit!😍 Ech hunn meng éischt eegen Eenzelausstellung!

Ech lueden Iech dowéinst häerzlech zu mengem Vernissage vun menger Fräiloft-Ausstellung "Trust The Process" den 07. Juli 2023 zu Suessem (Lëtzebuerg) am Park Backes an, vir mat mir zesummen ze feieren!🥳📸

Vir Snacks an Gedrénks ass och gesuergt!☀️🥂

En groussen Merci elo schonns un d'FLPA an un d'Gemeng Suessem, dass ech dëst Joer an dësem wonnerschéinen Parc ausstellen dierf! Ech freeën mech immens op d'Ausstellung an jiddereen wou kucken kënnt!🥰

Fotografie- an Photoshopcoursen

Wëssen un Anerer weider ginn? Ma sécher!🤓🥳

Ganz gären schaffen ech mat aneren Fotografie-Interesséierten Léit zesummen an hëllefen bei Froen an Challenges weider. Et gëtt mëttlerweil ëmmer méi Gruppencoursen an Erklär-Videoen iwwert verschidden Themen am Internet, dëst sinn oft immens hëllefräich, kënnen awer och séier zu Verwirrung féieren, wann dat néidegt Basiswëssen feelt an esou an enger stonnelaanger Verzweiflung enden👾

Ech kënnen dësen Problem nëmmen allzegut, genau esou hunn ech nämlech och ugefaangen ze léieren an weess duerch eegen individuell Coachings, wéi dëss een virunbrengen, well se genau op een zougeschnidden ginn an een op sengem aktuellen Wëssensstand oofhuelen. Dowéinst hunn ech no e puer fräien Workshops vir aner Fotografie-Fans entscheet privat Coursen vir Photoshop an Fotografie unzebidden.

Den Inhalt vum Cours gëtt ëmmer individuell erstallt an soumat genau op Är Wënsch ugepasst. Den Cours ass soumat also vir Ufänger geduecht, déi sech als éischt emol an Rouh den Programm an seng Logik erklären loossen wëllen, wéi och vir schonns méi Fortgeschrëttener, déi eng speziell Technik oder en speziellt Themegebitt léieren wëllen. Dëst kann z.B. d'Thema "Beauty-Retusche", "Dodge and Burn", "Schaffen mam Grafik-Tablet" oder z.B. "Composing vun verschiddenen Opnamen" sinn.

Nieft den Bildbeaarbechtungs-Coursen bidden ech och Fotografie Grondcoursen vir Ufänger un, bei deem ech souwuel op déi theoretesch Grondlagen, wéi och op déi praktesch Ëmsetzung aginn an Iech dëst erklären an bäibréngen. Eng eegen Kamera ass bei dësem Cours net onbedéngt néideg, ech kann Iech vir den Cours och gären eng Spigelreflex-Kamera matbréngen an ausléinen.

Interessi un engem privaten Cours? An dësem PDF fannt dir all d'Informatiounen zu den verschiddenen Packages an Präiser📖🖋

2025_Flyer_Cours_JLP.pdf

Download PDF • 5.84MB